أثر النقطة

موضوع: أثر النقطة الجمعة نوفمبر 18, 2011 9:18 am

تخيلوا معي ..
لو أن هناك قطرة من الماء ..

فسقطت تلك القطرة على صخرة

ماذا سيحدث للصخرة ؟!!

لا شيء ..

على الأقل في الظاهر ( بالنسبة لنا ) .. أليس كذلك ؟!

طيب تخيلوا معي لو تكرر سقوط قطرات الماء على نفس الصخرة لمدة ساعة مثلاً ..

ثم استمر تساقط قطرات الماء على الصخرة لمدة يوم كامل ..

ثم لمدة شهر ..

شهرين .. ثلاثة

فماذا سيحدث للصخرة ؟!

تترك قطرات الماء حفرة صغيرة في الصخرة ، أليس كذلك !!

فإذا استمر سقوط قطرات الماء لأشهر أخرى ..

فماذا تتوقعون أن يحدث ؟!

ستتشقق الصخرة ..!!

ثم لا تلبث أن تحدث المفاجأة !!

تنشق الصخرة نصفين !!

معقول ؟!!

قطرات ماء قادرة على فلق الحجر؟!

سبحان الله

طيب تخيلوا معي لو أننا جمعنا قطرات الماء جميعاً من القطرة الأولى وحتى آخر قطرة تسببت في انفلاق الصخرة ..

ثم سكبنا هذا الماء كله مرة واحدة على الصخرة .. فهل تظنون أننا سنحصل على نفس النتيجة ؟!

هل تستطيع تلك الكمية من الماء أن تفلق الصخرة لو سكبناها مرة واحدة على الصخرة ؟!

مُستحيل طبعاً

..........................

وهكذا في حياتنا كلها ..

دوما نُسقط القطرة تلو القطرة .. لكننا نيأس ونملّ ونفقد الأمل فنتوقف !!

لأننا لا نرى الأثر سريعاً ..

ولو أننا صبرنا وتابعنا لعلمنا أن القطرة التالية هي التي كانت ستفلق الصخرة !!

لا تستهون بأي فعل مهما كان صغيراً ..

صغير + صغير= كبير

واعلم أن قطرة الماء قادرة على فلق الصخرة بإذن ربها !!

**********

**

طيب .. احنا كدة اتفقنا على صحة نظرية النـُقطة ..

وسبحان الله النظرية دي نظرية عامة .. بتنطبق على حاجات كثير في حياتنا وفي واقعنا..

زي ما قلنا في الأول اننا ممكن نستهون بأعمال خير قد نراها صغيرة وغير مؤثرة .. مع انها في الحقيقة ليها أثر بس احنا مش شايفينه أو مش واخدين بالنا منه ..

والأمر محتاج مننا شوية صبر ويقين ..

سبحان الله .. ( نظرية النقطة ) دي برضو بتنطبق على حاجات تانية كثير في حياتنا ..

ساعات بنستهون بذنب معين مثلاً ونحس انه صغير جداً ومش هيلحق يأثر في قلوبنا ..

فيها إيه لما أسمعلي أغنية على الماشي ؟!

فيها إيه لما أبص على البنت الفلانية في الشارع ؟!

يا عم دي سيجارة واحدة مش هتلحق تعملك حاجة !!

دي آخر مرة ، وبعد كدة مش هغتاب حد تاني !!

سبحان الله ..

دايماً نستهون بالذنوب الصغيرة ومنعملّهاش حساب ..

مع انها عاملة بالضبط زي النقطة اللي فوق دي !!

كل ذنب ( مهما كان صغير ) بيترك نقطة سوداء في القلب ..

ومع تكرار الذنب الصغير ده ( أو ذنوب صغيرة غيره ) تبتدي النقط السوداء تزيد في القلب .. ويبتدي القلب يقسو ويتحجر ..

بعد ما كان القلب رقيق سريع التأثر ، تلاقيه كأنه اتغطى بسحابة سوداء حجبت عنه الرؤية !!

سبحان الله ، ربنا عز وجل اتكلم عن الحكاية دي في سورة المطففين ، في قوله تعالى : { كَلاَّ بَلْ رَانَ عَلَى قُلُوبِهِمْ مَا كَانُوا يَكْسِبُونَ } .. آية 14

سامعين كلمة : ران على قلوبهم ؟!

سُبحان الله .. هي كدة فعلاً .. يُحجب القلب عن رؤية الحق ..

طيب إيه السبب يارب ؟!

( ما كانوا يكسبون )

ذنوبهم اللي كانوا بيعملوها وفاكرين انها مش هتأثر على القلب ..

نظرة حرام وراها نظرة حرام ..

كلمة حرام وراها كمان كلمة حرام ..

لغاية ما القلب يسود .. ويتحجّر !!

شوفوا النبي صلى الله عليه وسلم بيقول إيه :

" تـُعرض الفتن على القلوب كالحصير عودا عودا ، فأي قلب أشربها نكتت فيه نكتة سوداء فيصير أسود مربادا كالكوز مجخيا ، لا يعرف معروفا ولا ينكر إلا ما أشرب من هواه "

كل فتنة قلبك يتعرض لها ( وانت تسيبه وتسمح له انه يتعرض لها ) بتعمل في قلبك نقطة سوداء بتفسد قلبك ..

ونقطة + نقطة = ضياع القلب

عرفتوا النـُقطة بتعمل إيه ؟!!
نقلا من منتدى
احلى حياة فى طاعة الله

موضوع رائع